På Hallingdal Museum kan du oppleve ein ny versjon av Spiti, skreddarsydd for Tandbergbygget! Spiti er gresk og betyr heim, hus og hushaldning. I dag er Ludvig heime både i Oslo, Stockholm og Athen, men Nesbyen kjem alltid til å vere ekstra spesielt for han.
Med utgangspunkt i sceneførestillinga dei syner på Sprang laurdag 9. november, inviterer Ludvig og tre dansarar til ein kombinasjon av kunstutstilling og førestilling på Hallingdal Museum! Dei har med seg sju tøystykkjer der 80 personar har brodert si personlege oppleving av heimen. Eitt av stoffa er brodert av Nesbyen Husflidslag. Dansarane bevegar seg mellom ulike minner og sansingar knytt til heimen, medan publikum kan bevege seg i rommet, og kome og gå som dei vil.
Ludvig voks opp i Nesbyen, og han kjem alltid til å tenke på Nesbyen som heime. Difor var det viktig for Ludvig at prosjektet blei presentert her. Fyrst i form av eit møte med Nesbyen husflidslag, som var med på å brodere delar av scenografien i førestillinga, og no som eit møte med publikum.
Performancen held på frå 18 – 20, og dørene er opne undervegs. Kom innom ei lita stund, sjå på stoffa og ta ein kopp kaffi, eller kom og heng frå start til slutt.
Gratis inngang!
Ludvig Daae er ein norsk dansar og koreograf frå Nesbyen med base i Oslo. Han er utdanna ved Kungliga Svenska Balettskolan i Stockholm og P.A.R.T.S i Brüssel. I tillegg til å ha laga ulike verk, som Cullbergballeten si opptreden på Nobelbanketten i Stockholm Stadshus og førestilling for kompaniet Norrdans, har hans eigne produksjonar blitt vist over 200 gonger i over 10 land.
Koreografi og konsept: Ludvig Daae
Av og med: Marcus Baldemar, Ludvig Daae, Linnéa Martinsson, Amie Mbye, Rina Rosenqvist
Produsent: Sara Bergsmark
Komponist: Linnéa Martinsson
Scenografikonsept: Tove Berglund og Ludvig Daae
Lys: Ludvig Daae og Björn Kuajara
Kostyme: Ludvig Daae i samarbeid med utøverne
Skredder: Lisa Asplund
Tekniker og teknisk koordinator: Björn Kuajara
Broderi: Medlemmer i Bærum og Nesbyen husflidslag samt Erika Hansson, Ann-Sofi Näslund, Maria West, Tove Gullrikson, Helena Lagerqvist Kouljiok, Eva Forsgren, Annika Frank , Carmen Valer Blanco, Liza Nordenström, Elmer Eriksson, Mai Lundell, Pernilla Björnberg, Marie Louise Nilsson, Maria Roos, Annika Ferm Adevall, Margareta Stoor, Maud Jonsson, Irene Johnson, Linnea Trudevall, Sara Söderlund, Mentis Vostantzoglou og alle i det kunstneriske teamet.
Co-produksjon: Dans i Sørøst-Norge, Bærum Kulturhus, Sprang Ål, Rosendal Teater
Residens: MDT Stockholm, Hallingdal Museum, Sprang, Bærum Kulturhus
Med økonomisk stønad frå: Norsk Kulturråd, Fond for Lyd og Bilde, Viken Fylkeskommune, Fond for utøvende kunstnere, Svensk Kulturråd.
